Ivancevic Ostanuva so "LAVOVITE"

Иванчевиќ останува со "лавовите"

ИСКУСНИОТ СТРАТЕГ ОД СРБИЈА ЃОРЧЕПЕТРОВЦИ ЌЕ ГИ ПРЕДВОДИ ВО НОВИТЕ ПРЕДИЗВИЦИ

* Со екипата ќе бидам во наредниот период и ќе дадам с$ од себе да направиме една компактибилна млада екипа, вели стратегот на ѓорчепетровци Радмило Иванчевиќ

Македонија ЃП и оваа година под водство на српскиот стратег Радмило Иванчевиќ ја завери визата за излез на евро-сцената. Овој пат во Интер-тото купот, па токму поради тоа вчера ѓорчепетровци под диригентската палка на Иванчевиќ први ги почнаа подготовките бидејќи за помалку од 13 дена ги очекува првата европска формула, кипарската екипа Етникос Ахна. На првата прозивка ги немаше веќе заминатите Бошковиќ, Шчепановиќ и Положани, а сите останати фудбалери "освежени" со неколку млади фудбалери беа во стројот и ги истрчаа првите километри пред стартот на новата сезона и евро-настапите. Радмило Иванчевиќ останува со ѓорчепетровци и екипата ќе ја води во новите предизвици кои ја очекуваат.

" Со екипата ќе бидам во наредниот период и ќе дадеме с$ од себе да направиме една компактибилна млада екипа која ќе води главна улога во наредниот период. Прва задача е Интер-тото купот, а за понатаму ќе видиме како ќе се одвиваат активностите", истакна шефот на стручниот штаб Радмило Иванчевиќ. "Ги почнавме подготовките за мечот со Етникос Ахна. Ќе се подготвуваме на стадионот во Ѓорче и ќе сториме с$ да темпираме добра форма и да се претставиме со квалитетна игра и добар резултат на првиот меч во Кипар".

Што се однесува до екипата, Радмило Иванчевиќ најави дека на преден план ќе бидат "освежување" на екипата со млади сили.

" Во кратките разговори што досега ги водев со претседателот на клубот, ќе се потпреме на младите играчи кои се дел од клубот. Тоа значи дека оваа година ќе има подмладување на екипата со млади фудбалери и нема да има звучни засилувања, туку со сопствени сили ќе влеземе во новите предизвици. Еве веќе не се тука Шчепановиќ и Бошковиќ, го нема и Положани, а сигурно ќе замине уште некои од фудбалерите кои би нашле евентуален ангажман. За два-три дена ќе се знае с$ околу играчкиот кадар и ќе расчистиме некои работи на тој план. Но, како и да е, Македонија ЃП во наредната сезона ќе се потпре на сопствени сили", потенцираше Иванчевиќ

"Тест" средби со Дрита и Брегалница

Веќе се закажани две контролни средби. Стручниот штаб одлучи првата да ја одигра веќе в среда против Дрита од Боговиње, а следен спаринг партнер, последен пред дуелот со Етникос Ахна, ќе биде екипата на штипска Брегалница. И двете средби "лавовите" ќе ги одиграат на стадионот во Ѓорче Петров.

"Зелено светло" за сите

Како што н$ информираше тренерот Радмило Иванчевиќ, ставот на раководството на клубот е фудбалерите кои ќе најдат подобар клуб да добијат "зелено светло".

"Сите фудбалери доколку најдат ангажман ќе имаат одврзани раце. Тоа значи доколку најдат подобро решение од досегашното можат да си заминат од клубот", потенцираше Иванчевиќ.

По вчерашниот состанок немаше такви најави, но во наредните неколку денови ќе се знае нешто повеќе на тој план.

Кипраните имаат квалитетна и силна екипа

Етникос Ахна е наша прва пречка во Интер-тото купот. Тренерот е мој стар пријател. Етникос ги води српскиот тренер Светозар Шапуриќ. Се работи за сериозна екипа која минатата година мина три круга во Интер-тото и имаат големи амбиции и во оваа евро-сезона. Имаат многу квалитетни странци од Грција и од Србија, меѓу нив отскокнуваат "шпицот" Грубач, потоа Адамовиќ, еден од најдобрите голмани во Србија, имаат и неколку добри играчи од Кипар и репрезентатовци. Со еден збор, се работи за многу силна екипа.

Денеска со список за Интер-тото

Македонија ЃП денеска треба да достави список на фудбалери кои ќе настапуваат на првиот меч во Интер-тото купот. Списокот треба да брои 25 фудбалери, но, сепак, како и секогаш се остава простор за уште неколку фудбалери, евентуалните засилувања, доколку ги има. Во Македонија ЃП барем досега нема пројавено интерес за заминување на некои фудбалери и за ангажирање нови