FK Rabotnicki Skopje ke se Podgotvuva na TARA

*Подготовките стартуваат в недела, во 10 часот. По еднонеделниот престој во Скопје, експедицијата на Работнички К од 24 јуни до 9 јули ќе се подготвува на Тара (Србија) каде што ќе се одиграат пријателски средби со Војводина, Зета...

ПРЕЦИЗИРАН Е ПЛАНОТ ЗА ЛЕТНИТЕ ПОДГОТОВКИ НА "РОМАНТИЧАРИТЕ"

Конечно е дефиниран и прецизиран планот за летните подготовки на "романтичарите". Собирот, поточно кажано стартот на подготовките е закажан за в недела, а потоа следува еден месец и половина пеколна работа, прво во Скопје, а потоа и во Србија со цел фудбалерите добро да се подготват за она што ги очекува наредната сезона, како во првенството така и во националниот Куп.

"Не смееме да ги заборавиме и настапите во квалификациите во Купот на УЕФА. Посакуваме што подобро да го претставуваме како и секогаш македонскиот фудбал во фудбалска Европа", напоменува Жикица Тасевски, помошникот на шефот на стручниот штаб Драгољуб Беквалац.

За деталите околу подготовките Тасевски ни изјави:

"Како што е познато, се собираме в недела, на 17 јуни, во 10 часот. По првата прозивка, каде што играчите ќе ги запознаеме со планот на подготовките, веднаш стартуваме со тренинзи. Во Скопје остануваме до 24 јуни каде ќе тренираме по двапати на ден на нашите помошни игралишта. Во овој период играчите ќе ги направат сите детални и вообичаени лекарски прегледи. По еднонеделната работа во Скопје на 24 јуни заминуваме во Србија, поточно на Тара каде што според нашите информации ќе имаме прекрасни услови за работа. Таму остануваме до 9 јули кога е закажано враќањето во Скопје. На Тара покрај вообичаените тренинзи најмалку по двапати на ден ќе одиграме и најмалку 3-4 пријателски или контролни натпревари со цел новите играчи кои ги очекуваме деновиве да дојдат во нашата средина. Ќе се воигруваме и ќе работиме на тактичко - технички план. За спаринг партнери досега ги договоривме Војводина и Зета, останува да договориме уште барем еден противник. И на 12 јули закажана е генералката во Скопје пред нашиот настап во Купот на УЕФА. Допрва ќе видиме со кого ќе играме на таа генералка", заврши Тасевски

Завршија анализите за минатиот шампионат

"Она што беше во минатиот шампионат е завршено. Направени се детални анализи, ќе се обидеме да не ги направиме истите грешки. Минатото првенство е зад нас, сега целосно сме ангажирани за она што ќе се случува, околу купување играчи, околу идните ривали во квалификациите во Купот на УЕФА. Не вреди сега да размислуваме за она што било, мораме да се свртиме кон иднината", дополни Тасевски.

Директорите од денеска во Србија

Од денеска директорите на Работнички К, Дејан Чекаров и Саше Милошевски, ќе престојуваат во Србија каде ќе се обидат да се договорат со оние играчи со кои се преговара. Секако дека ќе се сретнат и со тренерот Драгољуб Беквалац во Нови Сад, кој би требало во Скопје да се врати в сабота, со оглед на тоа дека в недела стартуваат подготовките.

Вчера имаше преговори со Јанчевски

Како што завчера објавивме, Бобан Јанчевски во текот на вчерашниот ден престојуваше во Скопје и имаше долг состанок со потесното раководство на Работнички К. Се разговараше околу можниот трансфер на најдобриот фудбалер и најдобриот стрелец во текот на изминатава сезона. С$ уште не постигнат конечен договор, но извесно е дека Јанчевски е с$ поблиску до трансфер до екс шампионот.

Победи и порази за пионерите
Викендов пионерите на Работнички К престојуваа во Белград (Србија) каде одиграа неколку пријателски средби со своите врсници. Генерацијата 1992 година забележа две победи, со Раднички Југопетрол 4:0 и со Рад 3:1. Додека генерацијата 1993 година загуби од Телеоптик со 2:3 и Рад со 0:6