Ne Mislime na Etnikos

* Нашите мисли се насочени кон проблемите во ФФМ, кон нерасчистените работи во клубот, дури во трет план ни е мечот со Кипраните", вели Милошевиќ


КАПИТЕНОТ НА МАКЕДОНИЈА ЃП, МИРОСЛАВ МИЛОШЕВИЌ, ПРЕД ПРЕТСТОЈНИТЕ НАСТАПИ ВО ИНТЕР-ТОТО КУПОТ

И покрај тоа што порано почнаа со тренинзи со цел да се подготват за Интер-тото настапите, сепак, во таборот на Македонија ЃП многу малку се мисли за дуелот со Етникос Ахна. Сите нивни погледи се свртени кон утрешниот ден кога ФИФА и УЕФА одлучуваат дали ќе н$ суспендираат од натпреварите на меѓународна сцена, како и кон многуте "непознати" во екипата.

"Ние се собравме, почнавме да тренираме а не знаеме дали ќе играме. Никој во клубот не мисли и не зборува за Етникос. Го чекаме утрешниот ден, да ја слушнеме одлуката на ФИФА и УЕФА па дури потоа можеме да кажеме поконкретно. Јас мислам дека луѓето кои работат во македонскиот фудбал нема да дозволат суспензија", вели капитенот на ѓорчепетровци, Мирослав Милошевиќ.

Фудбалерот од средниот ред признава дека и покрај тоа што во прв поглед с$ функционира беспрекорно во клубот, с$ уште има нерасчистени работи внатре во него.

"За нас, фудбалерите, главна тема е дека треба прво да се расчистат некои работи внатре во Македонија ЃП. С$ уште не се познати многу работи кои очекуваме дека ќе се средат во брзо време за да можеме нормално да се подготвиме за настапите на европска сцена, како и за следната сезона", потенцира Милошевиќ.

Сепак, и покрај тоа што мислите му се насочени на друга страна, капитенот на "лавовите" кажа некој збор за противникот во Интер-тото купот, како и за кипарскиот фудбал воопшто.

" Штом Етникос завршил во горниот дел на табелата, значи станува збор за квалитетна екипа. Не гледам зошто не би можеле да ги поминеме и да се пласираме понатаму. Сепак, с$ уште немаме никакви информации од клубот, се надевам дека ќе ги добиеме во наредниве неколку денови. Имав можност еднаш да заминам на подготовки во Кипар. Нивниот фудбал не е којзнае што и мислам дека сме поквалитетни и дека ќе успееме да ги минеме", заврши Милошевиќ

Имаме замени за Положани
Капитенот на ѓорчепетровци со свое видување за заминувањето на Положани во германскиот тим Кобленц.

"Му посакувам с$ најдобро. Сигурно дека ќе биде голем хендикеп за нашата екипа, но мислам дека имаме играчи кои можат достојно да го потполнат неговото отсуство", потенцира популарниот Мики.

Терминот сe уште непознат

С$ уште не се знае денот и часот кога ќе се одигра натпреварот во Ахна. Во наредниве 2-3 дена Етникот треба да достави писмено извесување до УЕФА, но и до Македонија ЃП за терминот за одигрување на овој натпревар. Не се познати ниту судиите за овој натпревар. Единствено што се знае е дека "лавовите" испратиле допис до УЕФА и Етникос во кој ги информирале дека реванш мечот ќе го играат на 30 јуни.

Противникот почна со подготовки
Тимот од Ахна веќе почна да се подготвува за натпреварите во Интер-тото купот со нашиот претставник Македонија ЃП. Тренерот Тоза Шапуриќ вчера ја имаше првата прозивка на екипата. На првиот тренинг се појавија сите фудбалери, а можно е во наредниве неколку денови екипата да добие уште некое ново име со цел што подобро да се претстават на меѓународната сцена. Како што говорат информациите од Кипар, италијански стопер деновиве треба да се приклучи на екипата, а планирано е Етникос да се засили и со еден "шпиц" играч.

ПРИЈАТЕЛСКИ НАТПРЕВАР

"Лавовите" подобри од Дрита
Во пријателски натпревар кој вчера се одигра во Ѓорче Петров фудбалерите на Македонија ЃП ја совладаа Дрита со 1:0. Стрелец на победничкиот погодок на "лавовите" беше Александар Стојановски.

Дуелот со Дрита беше првата "контролка" за ѓорчепетровци пред настапот во Интертото Купот. Според најавите од клубот деновиве треба да се одигра и вториот предвиден пријателски натпревар со Брегалница Штип