za 2 - 3 Dena , Nov Trener na Pelister

Многу енигми во таборот на битолскиот прволигаш. Иако, сега веќе екс тренерот Маријан Секуловски пред повеќе од една недела го напушти Пелистер, с$ уште управата нема назначено негов наследник. Со оглед на тоа дека одморот полека, но сигурно изминува, "пелистерци" ќе мора побрзо да делуваат кога е во прашање тренерското место, за да може новиот кормилар навреме да го скрои планот за новата сезона.

Како што дознавме, управата води преговори со неколку тренерски имиња, а конечниот резултат би требало да биде познат за два-три дена. В среда закажан е состанок меѓу првите луѓе и фудбалерите на Пелистер, а најверојатно на тој состанок ќе биде и новиот тренер на Пелистер.

Што се однесува до евентуалните нови имиња или, пак заминувања, засега нема никакви најави за такво нешто. Фудбалерите ќе бидат на одмор до 25 јуни, кога ќе почнат подготовките за новата сезона. Со оглед на тоа дека екс тренерот Маријан Секуловски прозивката ја закажа за 20 јуни, најверојатно овој датум ќе биде поместен за неколку дена, со оглед на тоа дека "пелистеци" последни ја завршија изминатава сезона