Ahna e Silna , No i Nie imame Mok za Podvig

* "Имаме информации дека Етникос има квалитетна екипа, а ние нема да дозволиме Кипраните да се наиграат", вели Милосављевиќ

Фудбалерите на Македонија ЃП финишираат со подготовките за дуелот со Етникос Ахна. Остануваат уште четири дена "лавовите" добро да се подготват и на стадионот "Дасаки" во Ахна да се претстават во најдобро издание со цел да стигнат до добар резултат пред претстојниот реванш на Градскиот стадион во Скопје

ДЕФАНЗИВЕЦОТ НА ЃОРЧЕПЕТРОВЦИ ВЛАДАН МИЛОСАВЉЕВИЌ ОПТИМИСТ ПРЕД КИПАР

Фудбалерите на Македонија ЃП финишираат со подготовките за дуелот со Етникос Ахна. Остануваат уште четири дена "лавовите" добро да се подготват и на стадионот "Дасаки" во Ахна да се претстават во најдобро издание со цел да стигнат до добар резултат пред претстојниот реванш на Градскиот стадион во Скопје.

Дефанзивецот Владан Милосављевиќ е оптимист пред заминувањето во Кипар и очекува неговата екипа како и секогаш да го прикаже максимумот:

"Максимално ја темпираме формата за оваа средба, а наедно го чекаме епилогот околу моменталната ситуација во ФФМ. Но, наше е добро да се подготвиме. Пред нас имаме една сериозна и силна екипа која во изминатиот циклус во Интер-тото купот стигна многу далеку. Во Етникос настапуваат и неколку фудбалери од Србија, а со двајца од нив голманот Адамовиќ и стоперот Гркиниќ сум настапувал заедно и ги знам нивните квалитети. Имаме информации дека Етникос има квалитетна екипа, а ние нема да дозволиме Кипраните да се наиграат. Во првиот тим имаме неколку млади фудбалери, но, сепак, тие ќе сторат с$ доколку им се даде шанса да се претстават во најдобро издание и да се наметнат со својата игра. Како и секогаш ќе играме максимално во текот на сите 90 минути, односно машки до крај за да стигнеме до поволен резултат пред реваншот. Ја подготвуваме најдобрата тактика која против Кипраните ќе ни донесе добар резултат, а во претстојните четири дена пред овој меч ќе сториме с$ добро да ја темпираме формата за евр-сцената и за настапите во Интер-тото купот.

Топлото време кое веќе неколку денови "виси" во главниот град е идентично како она што "лавовите" ги очекува во Ахна.

"Без разлика на температурата и на 'минус 20' и на 'плус 50' треба да се даде максимумот. Нема топло или ладно. Во Кипар температурите се високи, но и кај нас 'врие', па така брзо ќе се адаптираме на условите кои н$ очекуваат во Ахна", потенцираше Милосавжевиќ

Ахна Виа Солун

Експедицијата на ѓорчепетровци во Кипар заминува в петок во претпладневните часови. Од Скопје до Солун ќе се патува со автобус, потоа со авион експедицијата ќе "летне" за Ларнака. Оттаму повторно со автобус "лавовите" ќе заминат за Ахна. База на фудбалерите на Македонија ЃП ќе биде хотелот "Сан Хон". Во Ахна експедицијата ќе пристигне околу 17 часот, а два часа подоцна 19 часот следува тренинг на стадионот "Дасаки".

Во Кипар судии од Велс, во Скопје Израелци

Средбата во Кипар ќе ја води судиска тројка од Велс. Главен судија ќе биде Марк Витби, а негови помошници се Филип Батс и Брајаб Џемс, на реваншот во Скопје пак фудбалската правда ќе ја делат израелски арбитри. "Главен" во Скопје ќе биде Мекр Леви, а ќе му помагаат Абед Ел Убра и Ејал Шарон.

ПРОТИВНИКОТ НА МАКЕДОНИЈА ЃП ВЛЕГУВА СО ГОЛЕМИ АМБИЦИИ ВО ИНТЕР-ТОТО КУПОТ

Желбата на Етникос "виза" за вториот круг

Нашиот Кипранец Борче Ѓурев, инаку долгогодишен член на Етникос, во вчерашниот рапорт од Ахна со информации дека противникот на ѓорчепетровци ќе стартува со големи амбиции и во годинашниот циклус средби во Интер-тото купот.

" Етникос Ахна се подготвува максимално за саботниот меч. Кипраните знаат дека Македонија ЃП има квалитетна екипа и искусен и добар тренерски стратег. Евро-амбициите на Етникос Ахна се пласман во вториот круг, што значи дека в сабота ќе одат на победа. Екипата се засили со двајца фудбалери. Ангажиран е италијанскиот стопер Полминели и Нигериецот Гибро, фудбалери кои настапуваа во кипраскиот шампионат", истакна Ѓурев.

Тропски температури во Кипар

Како што н$ информира Борче Ѓурев вчера во Ахна температурата изнесуваше 36 степени целзиусови. Но, мечот се игра во 18 часот и се очекува таа да биде за два или три степени целзиусови помала. Што се однесува до посетеноста, Ѓурев нагласи дека дека стадионот "Дасаки" нема да биде исполнет до последното место

Без Исмаили и Димовски на Кипар

Македонија ЃП без Исмаел Исмаили и Горан Димовски ќе патува на Кипар, каде што в сабота ќе ја игра првата средба од првото коло во Интертото-купот, против Етникос Ахна. Напаѓачот и левиот бек на ѓорчепетровци деновиве чекаат ангажман во странство, а Македонија ЃП отштета од евентуалните трансфери.

Тоа значи дека нападот на лавовите единствено ќе го предводи младинскиот репрезентативец Александар Стојановски.

- Атмосферата во тимот е на високо ниво, иако неколку одлични фудбалери не' напуштија. Физички сме добро подготвени, неизвесноста околу проблемите во македонскиот фудбал завршија и сега можеме да одиме на победа во Кипар. Единствен хендикеп ќе бидат тамошните високи температури и тоа што сме многу млада екипа - изјави Стојановски.

Тренерот Иванчевиќ во изминатите два дена го следеше Етникос преку видеоматеријали, а денес целата екипа треба да ги проследи овие снимки од играта на противникот.

- Многу се искусни, со одлични поединци, а играат со иста тактика како нашата. Имаат тројца репрезентативци на Кипар и дури седуммина странци во комбинација за првиот тим, меѓу кои грузискиот репрезентативец Каладзе и Италијанецот Боломели. Имаат и четворица Срби, кои се доста квалитетни, а добро е тоа што солидно ги познавам - истакна Иванчевиќ