Despotovski : Prvo Da Se Prebroime

Деспотовски: Прво да се преброиме

ЗА"ЛАВОВИТЕ" МИНИ-ОДМОРОТ ЗАВРШУВА ВИКЕНДОВ

* На состанокот в понеделник ќе се знае списокот на фудбалерите и нивниот статус пред настапите во Интер-тото купот

За фудбалерите на Македонија ЃП в недела завршува мини-одморот. Тие први ќе тргнат во Европа, и од понеделник "лавовите" тргнуваат со подготовките за Интер-тото купот и за првиот меч со кипарскиот претставник Етникос Ахна на 23 или 24 овој месец.

"Прво да се пребориме, а потоа ќе видиме што понатаму. Тоа значи дека на состанокот во понеделник ќе бидат познати многу работи. Ќе се знае со кој играчки кадар ќе рсполагаме за наредниот период, односно за настапите во Интер-тото купот и во новата сезона", вели Владимир Деспотовски, кој вчера ја заврши својата седумдневна турнеја во Тунис. Секако дека по овој состанок ќе се знаат и амбициите на клубот, кој и во оваа сезона успеа да се најде на евро-сцената", истакна Деспотовски.

Средбата на фудбалерите и раководството на клубот ќе ја открие и енигмата околу нивниот статус. Тоа значи дека ќе биде составена трансфер-листата, а кој од фудбалерите ќе се најде на тој список, ќе се знае во понеделник.


Утре доаѓа Ивнчевиќ

Шефот на стручниот штаб, Радмило Иванчевиќ, во Скопје ќе допатува утре. Тој ќе има средба со првиот човек на клубот, Благоја Николовски, на кој единствена точка на дневниот ред ќе бидат преговорите околу неговиот понатамошен ангажман во клубот. Иванчевиќ најави дека со "лавовите" ќе биде заедно за настапите на евро-сцената во Интер-тото купот, а ќе се знае дали ќе ги води ѓорчепетровци во новата првенствена сезона