Makedonci vo Evropa i Asia Transfers

Бајевски заминува во ФЦ Брисел

До крајот на идната недела Александар Бајевски треба да стане нов член на белгискиот тим ФЦ Брисел. Тој веќе неколку денови е во сериозни преговори со оваа екипа која посакува во своите редови да го види голгетерот кој во изминатите неколку месеци настапуиваше во тимот на Ал Ахли од Кувајт.

"Можам да кажам дека преговорите се во завршна фаза и дека во текот на следната недела Бајевски треба и официјално да стане член на оваа екипа", ни изјави Драган Силјаноски, менаџерот на нашиот голгетер кој се очекува да потпише двегодишен договор со тимот на Брисел.

Клубот кој е најблиску до Бајевски во сезоната која штотуку заврши се најде на 13. место. Нашиот напаѓач треба да ги реши проблемите во нападот, но и да ја зголеми колонијата на Македонци во Белгија. Во оваа земја настапуваат Мазнов (Локерен), Ѓузелов (Серкл Бриж), Димитровски (Вестерло), а од неодамна нов член на Гент е Бобан Грнчаров.

ГОЛГЕТЕРОТ ПРЕД ТРАНСФЕР ВО БЕЛГИСКИОТ ШАМПИОНАТ

Новески на листата на клубови од Германија, Англија и Италија


КЕЛН ПОДГОТВЕН ДА ПЛАТИ 3,81 МИЛ. ЕВРА ЗА МАКЕДОНСКИОТ ДЕФАНЗИВЕЦ

За неговите услуги се заинтересирани уште Баер (Л), англиските Евертон, Тотенхем и Портсмаут, а е следен и од менаџерите на Лацио и Фиорентина


Раководството на Келн е подготвено да плати 3.81 милиони евра за услугите на Македонецот во одбраната на Мајнц, Николче Новески, соопштува авторитетното германско издание "Кикер". Македонскиот репрезентативец е една од посакуваните трансферни цели на тренерот на "јарците" Кристоф Даум, кој е голем почитувач на Новески и сака да го има во својот состав по секоја цена.

- Знам за понудата од страна на Келн, но засега не сакам да мислам на транфери. Деновиве ќе имам средба со мојот менаџер, по што ќе решиме какви ќе биде мојата иднина и каде ќе ја продолжам кариерата. Имам понуди од многу екипи, така што дури има големи можности варијатната со Келн да пропадне. Најважно е дека има клубови кои се интересираат за мене, коментира самиот Новески.

Не е тајна дека за македонскиот репрезентативец се интересираат уште англиските клубови Евертон, Тотенхем и Порсмаут, во Германија покрај Келн го посакува и Баер од Леверкузен, а сакутите на Лацио и Фиорентина го следеа на натпреварите со Хрватска и Израел во квалификациите за европското првенство во 2008 година

И Спартак Москва го сака Петров

*"Има неколку можни дестинации. Ги разгледуваме понудите со мојот менаџер, и во наредниве два дена ќе се знае мојот нов клуб. Мојата желба е да ја продолжам кариерата во тим кој ќе настапува во еден од европските купови", вели Роберт Петров

Расте бројот на клубови кои во своите редови го посакуваат нашиот репрезентативец и член на бугарската ЦСКА (С), Роберт Петров. Најновиот тим кој пројави интерес за левиот бек на најтрофејниот бугарски клуб е Спартак од Москва. Менаџери на рускиот прволигаш веќе подолго време ги следат настапите на Петров, но, сепак, како што информираат од таборот на 30-кратниот првак засега од Русија нема конкретна понуда.

"Има неколку клубови кои во текот на изминатиов период пројавија интерес за мене. За Спартак (М) слушам од вас. Не знаев дека и тие сакаат да ме ангажираат. Руското првенство е одлично, овој клуб е навистина голем со традиција. Не би имал ништо против да се преселам таму доколку условите бидат договорени", вели Петров.

Засега не е позната неговата следна дестинација. Она што е сигурно е тоа дека по една година помината во дресот на ЦСКА (С), Петров си заминува од Бугарија. Неговата желба е следбата сезона да игра во голем тим кој ќе настапува во еден од европските купови, Лигата на шампиони или Купот УЕФА.

"Најконкретни се оние понуди кои доаѓаат од Турција, сепак, не можам со сигурност да тврдам дека мојата фудбалска кариера ќе ја продолжам таму. Има неколку можни дестинации. Ги разгледуваме понудите со мојот менаџер, и во наредниве два дена ќе се знае мојот нов клуб. Мојата желба е да ја продолжам кариерата во тим кој ќе игра во еден од европските купови", вели Роберт Петров

Освен Спартак (М), за Роберт Петров се заинтересирани клубови од Англија, Германија и Турција, како и два елитни тима од Грција.

Нашиот репрезентативец една година го носеше дресот на ЦСКА (С), има 22 настапи во првенството и постигна еден гол. Претходно го носеше дресот на Локомотив (П), а своевремено беше дел од прилепска Победа

Кралевски удри по ЦСКА Москва

Најтежок пораз во последните 5 години за ЦСКА Москва, тим кој е поразен од нашиот Игор Кралевски во меч од шампионатот на Русија. Кралевски одличен во дефанзивната линија на домашната Луч Енергија, која со убедливи 4:0 го посрамоти составот на "армејците".

"Ова е една од најголемите победи на мојот клуб во неговата историја, но и најтежок пораз на ЦСКА. Владивосток е на нозе и ја слави оваа наша победа", кусо коментира Кралевски, кој успешно го сопре Бразилецот Вагрер Лов, кој ниту еднаш не се најде во шанса за гол.

Кралевски во вистинско време се врати во првиот состав на Луч Енергија. Дефанзивецот имаше проблеми со повреда, но еве, сега е меѓу најдобрите во својот тим. Во 88. минута при 4:0 за Луч шанса за гол на Кралевски, кој во трк од 70 метри изби сам пред голот на гостите, но неговиот удар заврши покрај дирекот. Дебаклот на ЦСКА вчера беше главна спортска вест во Русија.

Кралевски е еден од низата наши интернационалци, кои со успех настапуваат за своите клубови, но нивните настапи не се забележани од селекторот Среќко Катанец

Чадиковски се враќа во Зенит

НАШИОТ ИНТЕРНАЦИОНАЛЕН ЗАВРШИ СО ПОЗАЈМИЦАТА ВО ПУБЛИКУМ

Поранешниот македонски репрезентативец Драган Чадиковски се враќа во својот клуб, рускиот прволигаш Зенит. Како што пренесуваат и словенечките медиуми, откако македонскиот фудбалер го заврши договорот како позајмен фудбалер во Публикум Цеље тој сигурно се враќа во Русија.

Меѓутоа, останува нејасно дали повторно Чадиковски ќе биде позајмен во некој друг клуб или можеби комплетно ќе ја добие документацијата од Зенит доколку на Русите не им се потребни неговите услуги.

Од Словенија доаѓа и информацијата дека нашиот фудбалски стручњак Милко Ѓуровски уште една година ќе биде на клупата на Нафта. Иако беше неизвесна неговата судбина од раководството на Нафта вчера соопштија дека соработката со Ѓуровски сигурно ќе продолжи

Балдовалиев во ЦСКА (С) или Локо (С)

Македонскиот напаѓач Зоран Балдовалиев во летниот преоден рок ќе ги смени клупските бои. По една сезона, голгетерот го напушта Локомотив од Пловдив, но, сепак, својата кариера ќе ја продолжи во бугарското првенство. Според пишувањата на тамошните медиуми, Локомотив (С) и ЦСКА (С) се можните следни дестинации на Балдовалиев.

Доколку најтрофејниот бугарски клуб не успее да ангажира напаѓач од странство, тогаш популарните "армејци" ќе подготват понуда за нашиот напаѓач. Според извори од Локомотив (П), сумата која ќе ја бара овој тим за Балдовалиев е приближна на 1 милион евра.

"Горе-долу Локо (П) ќе побара 1 милион евра за Македонецот, толку бараа за Христо Златински. Можно е цената да биде повисока бидејќи Балдовалиев е страшен играч", вели анонимен извор од Локо (П).

Во трката за потисот на Балдовалиев се вклучи и Локомотив од Софија, кој сака да го ангажира во "пакет" со Христо Златински.

Зоран Балдовалиев веќе една сезона е во Локомотив од Пловдив, а своевремено ги бранеше боите на Публикум, ФК Смедерево. Во нашето првенство го носеше дресот на Беласица ГЦ.

Новески останува во Мајнц

Нема Тотенхем, Евертон...Штутгарт, Баерл Л, или Лацио и Фиорентина. Николче Новески останува фудбалер на Мајнц и во наредниот период. Дефанзивецот завчера имаше состанок со неговиот клуб со кој му истече договорот и ја прифати новата понуда и покрај тоа што Мајнц од следната сезона ќе настапува во Втората бундес-лига.

"Не можев да му кажам не на тренерот Јирген Клоп. Тој реши да остане во Мајнц за оваа екипа во новата сезона на експресен начин да се обиде да се врати во елитата на Германија", ги коментира Новески причините поради кои реши да остане во истата средина.

Сепак, не е само тренерот Клоп. Да се има супер понуди и да се прифати Мајнц...

"Точно дека не беше пресудно барањето на тренерот. Мајнц ми понуди фантастични финансиски услови кои беа идентични како и оние другите. Тука сум како дома, сакав да останам во Германија. Лично и самиот јас не верував дека ќе останам, но работите се сменија и еве, јас прифатив да останам. Нов момент е тоа што можам да заминам во секое време со мала отштета. Мене ми одговара еден ваков договор. Ако со Мајнц не успееме да се вратиме во Бундес-лигата, јас ќе барам нов клуб", открива Новески делови од неговите услови од новиот договор.

Битолчанецот пред 3 години се пресели од Ауе во Мајнц и со оваа екипа одигра 91 меч во најдобрата лига на Германија. Сега екипата е во понизок ранг, но има стабилен спонзор и големи амбиции за новата сезона.

"Мислам дека е фер од моја страна што ја прифатив понудата", додава Новески, кој вели дека е среќен што е пак во истата екипа, но дека ќе му биде тешко тоа што ќе игра во понизок ранг. Сепак, се надева дека брзо неговиот тим ќе успее да се врати во Бундес-лигата и дека вреди да се жртвува една година за клубот во чиј дрес направи голем подем во кариерата и стигна до дресот со државниот грб на Македонија

Стразбур и Фулам беа најупорни

Жан Пјер Папен, славниот голгетер кој сега е тренер на Стразбург, бил најупорен во преговорите со Новески. Тоа ни го открива дефанзивецот кој вели дека новиот прволигаш на Франција имал најконкретна и најдобра понуда.

"Бев на чекор со Стразбург. Оваа екипа имаше најдобра понуда, но еден состанок со луѓето од Мајнц ги смени сите работи за 360 степени. Покрај тимот на Папен, во најтесен круг беше и Фулам од Англија, како и Келн од Германија", открива Новески за тоа на која релација се движеле неговите преговори во последните две недели.

Денеска потпис на 3 години
Новески во Мајнц до 2010 година. Новиот договор треба да се потпише во текот на денешниот ден.

"Со Мајнц се договоривме за сите детали. Сепак, ништо не е официјално и покрај тоа што сите медиуми јавија дека јас останувам. Договорт е устен, а денеска треба да биде официјализиран со потпис. Можеби ќе има некои промени. Ако Мајнц ги намали условите за кои се договоривме јас нема да прифатам нов договор до 2010 година", напоменува Новески околу новиот договор кој с$ уште не е потпишан а е договорен

Јаневски се раздели со Бриж

МАКЕДОНЕЦОТ НЕ ПРИФАТИ ДА БИДЕ ПОМОШНИК

По неколкунеделни преговори Чеде Јаневски и Клуб Бериж се разделија. Нашиот стратег кој со белгискиот гигант го освои Купот на Белгија не прифати да остане во екипата како помошен тренер.

"Моите патишта и овие на Бриж се разделуваат", е изјавата на Јаневски за медиумите во Белгија.

Според најавите Јаневски не ја прифати улогата на помошник кај новиот тренер на Бриж, Џеки Матијсен па така во наредните неколку денови можно е нашиот стратег да има нов клуб во неговата тренерска кариера.

Колку за потсетување екипата на Бриж се договори со Матијсен пред финалето од Купот на Белгија а откако Јаневски направи подвиг и ја спаси сезоната управата клубот му понуди на нашиот стратег да остане во екипата

Двајцата Доневи на проба во Ботев

Македонците Благој и Александар Доневи се приклучија на подготовките на бугарскиот прволигаш Ботев од Пловдив каде ќе бидат на проба во наредниве неколку денови. Благој Донев оваа зима имаше обид за трансфер во бугарското првенство, но без успех па така во последните шест месеци настапуваше во второлигашот Турново. Последниот клуб во кој настапуваше Александар Донев беше Цементарница, тим со кој успеа да избори влез во Првата лига. Овој фудбалер беше пред трансфер во Бежанија во зимскиот преоден рок.

Она што е заедничко за двајцата е тоа што беа дел од Маџари С. во минатото и еве сега ќе имаат обид повторно да настапуваат во иста екипа доколку успеат да се договорат со тимот од Пловдив.

Ако Доневи успеат да потпишат со Ботев, ќе ја зголемат македонската колонија во Бугарија, која ја сочинуваат Роберт Петров, Роберт Попов, Зоран Златковски, Зоран Балдовалиев, Илјами Халими, а од неодамна и Дарко Тасевски

Наумоски пред трансфер во Ридинг

МАТЕРСБУРГ ИМА ПОНУДА ЗА МАКЕДОНСКИОТ РЕПРЕЗЕНТАТИВЕЦ ОД АНГЛИСКАТА ПРЕМИЕРЛИГА КОЈА ТЕШКО СЕ ОДБИВА

* "Денеска ме известија дека има конкретна понуда од англискиот премиерлигаш Ридинг. Веднаш заминувам на разговори во Австрија па до крајот на неделава треба с$ да се знае", ни изјави вчера Наумоски


Еден од најдобрите македонски фудбалери, репрезентативниот напаѓач Илчо Наумоски е пред трансфер во англискиот премиерлигаш Ридинг. Англичаните во текот на вчерашниот ден со конкретна понуда до австрискиот Матерсбург за македонскиот репрезентативец која следниве денови треба комплетно да се разгледа од двете страни по што ќе биде официјално познато дали Наумоски ќе ја продолжи кариерата во една од најсилните европски лиги

"Денеска од Матерсбург ме известија дека е пристигната конкретна понуда од премиерлигашот од Англија, Ридинг", ни изјави вчера Илчо Наумоски, кој по репрезентативниот настап на натпреварот со Израел деновиве летниот одмор с$ уште го користи во Македонија. "Според информациите од клубот, се работи за навистина сериозна понуда. Веднаш заминувам на разговори со раководството на Матерсбург во Австрија, па до крајот на неделава и официјално треба се да биде познато".

За името на 23-годишниот македонски офанзивец претходно се врзуваа и неколку други премиерлигаши, меѓутоа сега за првпат својата заинтересирност отворено ја искажува и Ридинг.

"Секако, англиската Премиерлига е вистински предизвик. Сепак, ќе повторам, треба деновиве да ги слушнам и размислувањата на раководството на Матерсбург па дефинитивно да се знае дали ќе се преселам на Островот, иако шансите се навистина големи", вели Наумоски

МЕНАЏЕРОТ НА НАУМОСКИ КАТЕГОРИЧЕН

Понуда која не се одбива

И Јошко Роков, менаџерот на нашиот Илчо Наумоски, со став дека оваа заинтересираност на Ридинг е нешто што навистина тешко се одбива.

"Имавме неколку сериозни понуди за услугите на Наумоски, меѓутоа оваа од Ридинг е нешто што навистина тешко се одбива. Сега на потег е управата на Матерсбург која треба да одлучи дали ќе го ослободи еден од најдобрите фудбалери во клубот", вели Роков.

Заинтересираност од Грција и од Шпанија

За македонскиот репрезентативец изминатиов период отворена заинтересираност постои и од уште неколку клубови од силни европски лиги, пред с$ од Шпанија и од Грција.

Сепак, како што и самиот истакнува Наумоски, Премиер-лигата е посебен предизвик. Атрактивноста на англискиот шампионат, без разлика и на големината на финансиската понуда во однос на некои други клубови, може да биде одлучувачка за трансферот на Наумоски во Ридинг

Балдовалиев во Локо Софија


Македонскиот напаѓач Зоран Балдовалиев според вчерашните пишувања на бугарските медиуми и дефинитивно од следната сезона ќе биде член на еден од најдобрите бугарски клубови Локомотив Софија.

Како што пренесе "Топ спорт", неговиот актуелен клуб Локомотив Пловдив веќе се договорил со раководството на Локо Софија за трансферот на Балдовалиев. За нашиот фудбалер, по извонредните игри во Локо Пловдив во пролетната сезона, заинтересираност постои и кај уште еден клуб од главниот град на Бугарија, ЦСКА Софија.

Сепак, Балдовалиев кој од вчера се наоѓа во нашава земја не ја потврдува информацијата на бугарските медиуми за конечноста на неговиот трансфер.

"С$ уште нема ништо конкретно. Јас имам договор со Локомотив Пловдив уште две години. Разговорите меѓу клубовите за трансфер течат, меѓутоа колку што јас сум запознаен ништо не е дефинитивно. Јас на 24 јуни се враќам во Бугарија, па тогаш и се треба официјално да биде познато. Засега јас немам никакви конкретни разговори со Локомотив Софија", ни изјави вчера Балдовалиев

ПО ОДЛИЧНАТА ИГРА НА ДУЕЛОТ ПРОТИВ ЦСКА МОСКВА

Кралевски во тимот на колото во Русија

Игор Кралевски е избран во тимот на колото во рускиот шампионат по неговата одлична игра во дресот на Луч Енергија на натпреварот против ЦСКА Москва кој тимот од Владивосток го доби со изненадувачки убедливи 4:0.

"Да бидам искрен, навистина сум пријатно изненаден со изборот во тимот на колото. Во секој случај сосема заслужено со оглед на тоа што забележавме убедлива победа над актуелниот шампион. Во тимот на колото од клубот покрај мене е и двојниот стрелец од натпреварот против ЦСКА Москва. Ова признание е импулс повеќе за продолжување на одличните игри веќе и на следниот дерби натпревар против големиот фаворит, Локомотив Москва, и дуелот со Дмитри Сичев", вели Кралевски

Јаневски на клупата на Гент

НАШИОТ СТРАТЕГ ПОВТОРНО ЗАЕДНО СО НОРВЕЖАНЕЦОТ СОЛИЕД


*"Мојот нов клуб во новата сезона влегува со амбиции за пласман во топ 3", коментира Јаневски

Тронд Солиед од Новешка е новиот тренер на белгискиот тим Гент, а за негов прв асистент е наименуван нашиот Чеде Јаневски. Вчера во тренерскиот тандем ја имаше промоцијата во новиот клуб кој летово ќе настапува во Интер-тото купот, а во новата сезона амбициите на екипата се пласман меѓу водечките 3 екипи на табелата

Имам нов клуб само еден ден по мојата одлука да не прифатам да останам во Клуб Бриж", коментира Чеде Јаневски за неговиот нов ангажман.

"Повторно сум заедно со Тронд Солиед со кого бевме во тандем на клупата на Клуб Бриж, но и во Олимпијакос. Добовме одлични услови од Гент, клуб кој лани беше на 4. место на табелата, а во новата сезона влегува со поголеми амбиции. Мојот договор со овој клуб е на една година", открива Јаневски, кој во пролетниот дел од шампионатот на Белгија беше прв тренер на Клуб Бриж со кого ја освои титулата во националниот Куп на Белгија.

Јаневски во новиот клуб ќе има и фудбалер од Македонија.

"Ме информираа дека купиле фудбалер од Македонија. Бобан Грнчаров е доведен како големо засилување во одбраната. Јас лично не го познавам, но за неколку дена следи прозивката на која ќе се појави и тој. Всушност Гент е клуб во кој има играчи од сите екс републики на СФРЈ", додава Јаневски, кој беше првиот тренер од Македонија кој ја доби тренерската про лиценца.

Зад името на Чеде Јаневски секогаш се коментира дека тој треба да ја добие шансата за позицијата селектор на Македонија:

"Постои желба, но само доколку има интерес од спротивната страна. Јас сум разочаран од тоа што се случи пред неколку дена кога во Утрински весник се појави моја изјава со многу реченици кои не сум ги изговорил. Јас со години сум во Белгија и мислам дека не би било фер да коментирам за случувањата во ФФМ", напоменува Јаневски за настаните од пред неколку дена кога неговото име влета во шпекулации како наследник на Среќко Катанец

Не за Г’нчлербирлиги
Тандемот Тронд Солиед - Чеде Јаневски беше интересен за неколку клубови. Прво Феенорд па Херта, но на крајот двајцата се нафатија за работа во Гент. Сепак, медиумите од Белгија откриваат дека откако станало јасно дека Јаневски заминува од Клуб Бриж тој добил понуда за работа во турскиот тим Генчлербирлиги. Понудата била одбиена.

"Јас секогаш играм фер. Така беше и со Бриж цела пролет кога имав и сериозна понуда од Серкл Бриж но поради верноста кон клубот со кој имав договор пропадна можноста за преговори со екипата која ми прати понуда уште во февруари", објаснува Јаневски за преостанатите понуди

Шаќири на пат кон Лестер

Еден од најискусните македонски интернационалци Артим Шаќири не размислувајќи воопшто да стави крај на својата интернационална кариера во летниот период можно е да се пресели во редовите на англискиот Лестер.

Шаќири со евентуален трансфер во Лестер се врзуваше и пред една година, меѓутоа тогаш, сепак, не успеа да се договори со Англичаните. На македонскиот фудбалер во јуни му заврши договорот со второлигашот од Швајцарија, Вадуз, па откако во моментов е слободен играч според информациите од Островот повторно се актуелизира неговата преселба на Островот.

Сепак, не се исклучува ниту варијантата Артим Шаќири конечно да го видиме во македонскиот шампионат. Доколку се одлучи дефинитивно да се врати во Македонија тогаш македонскиот репрезентативец, најверојатно, ќе го облече дресот на Вардар. И за време на зимската пауза од претходнава сезона, пред потпишувањето за Вадуз, Шаќири ги одработуваше тренинзите со нашиот најтрофеен клуб

Попов "заробен" во Егалео

* Со сега веќе екс-грчкиот прволигаш Попов има потпишано петгодишен договор, а згора на тоа и сопственикот не сака да чуе тој да замине од клубот

Нашиот лев бек Горан Попов во наредната сезона ќе настапува во Втората грчка лига бидејќи Егалео во оваа сезона го загуби статусот на прволигаш. Нашиот лев бек е "заробен" во Егалео. Тој има потпишано петгодишен договор, а згора на тоа сопственикот на клубот не сака да чуе тој да замине од клубот.

" Мојот договор е со важност од пет години, но има и клаузула по изминатите три години да заминам во друг клуб. Во Егалео сум две години и останува уште една, а сопственикот вели дека нема шанси да ми даде зелено светло да заминам. Во опција имам неколку понуди од странство, но засега не можам ништо да планирам. Можно е работите да се изменат, но во моментот одговорот дали ќе останам или не е во рацете на сопственикот на клубот", вели Попов

Милошевски - прв странец капитен во Литванија

* "Одговорноста е секако поголема, но ова за мене е вистинска сатисфакција и мотив повеќе", вели Милошевски

Во новата фудбалска сезона во Литванија нашиот интернационалец Дејан Милошевски доби нова улога во Ветра. Тој од страната на фудбалерите и стручниот штаб ја доби довербата да ја носи капитенската лента на клубот и е прв странски капитен во Литванија. Досега на ниту еден странец кој настапувал во оваа земја не му била доверена таква улога.

"Одговорноста е секако поголема, но ова за мене е вистинска сатисфакција и мотив повеќе", вели Милошевски. Стручниот штаб и фудбалерите донесоа одлука таа улога да ми ја доверат мене. Што се однесува до амбициите во оваа сезона, тие се исти како и во изминатата, да атакуваме на едно од првите три места и, секако, излез во Европа. Сега се подготвуваме за настапите во Интер-тото купот", беше краткиот рапорт од Литванија на новопечениот капитен на Ветра, Дејан Милошевски

Халими се враќа во Македонија

Иако има уште една сезона да одработи во дресот на Локомотив од Пловдив, Илјами Халими сака да ја напушти Бугарија. Македонскиот интернационалец како причина за ваквата негова одлука ја наведува лошата финансиска состојба на клубот по убиството на претседателот на Локо, Александар Тасев. Неговиот сегашен клуб сака да го задржи Халими, но за неговите услуги се заинтересирани и други клубови од Бугарија, но и еден второлигаш од Грција. Сепак, желбата на Халими е да се врати во Македонија и да игра за еден од нашите посилни клубови.

"Доста е веќе со играње фудбал во странство. Поминаа десет години и мислам дека е време да се вратам во Македонија и тука да играм. С$ уште нема преговори со ниту еден клуб од нашата земја, но се надевам дека во наредниот период ќе се појави некој клуб за кој би можел да настапувам. Лошата финансиска состојба во Локомотив (П) е причината поради која сакам да заминам. Имам уште една година до истекот на договорот, но ги побарав документите и ќе видиме. Има некои најави дека ќе се обезбедат нови спонзори на клубот, а доколку биде така тогаш е можно да останам, но само уште една година", вели Илјами Халими

МАКЕДОНСКИОТ ИНТЕРНАЦИОНАЛЕЦ ГО НАПУШТА ЛОКОМOТИВ (П)

Зекирија Рамадан заминува од Беласица

Уште еден македонски интернационалец го напушта бугарското првенство. Дефанзивецот Зекирија Рамадан идната сезона нема да го носи дресот на Беласица. Рамадан имал разговори со претседателот на клубот од Периќ, Констадин Хаџииванов и на заемна согласност договорот ќе биде предвремено прекинат. Ова ќе биде потврдено и на 21 јуни кога заседава Арбитражната комисија на БФС

Darko Tasevski Ce Bide Denes vo 17 Saat Prestaven vo Levski ovde Pisuva Toa na Levski Sajt http://www.levski.bg/Levski/info/news/showNewsById.do;jsessionid=BE0C4DE88907D2CF2D037BABE8C9C801.ajp13localhost?news_id=169453

UltrasBOYS-KOMITI_Vienna4 напиша:

Darko Tasevski Ce Bide Denes vo 17 Saat Prestaven vo Levski ovde Pisuva Toa na Levski Sajt http://www.levski.bg/Levski/info/news/showNewsById.do;jsessionid=BE0C4DE88907D2CF2D037BABE8C9C801.ajp13localhost?news_id=169453

Новите футболисти ще бъдат представени днес от 17 часа

17.06.2007


Днес от 17,00 часа, ръководството на ПФК Левски ще представи новите футболисти Дарко Тасевски и Шакиб Бензукан. Брифингът ще се проведе в залата за пресконференции откъм сектор „В" на стадион „Георги Аспарухов". На събитието ще присъстват старши-треньорът Станимир Стоилов и изпълнителния директор на клуба Наско Сираков.



Представителният тим на Левски ще тренира след края на пресконференцията. След заниманието, сините заминават на подготвителен лагер в Правец.

TASEVSKI i BENZOUKANE

Tasevski Bese Denes na Gerena vo Levski Sofija Predstaven http://www.sportni.bg/?tid=40&oid=1060353

UltrasBOYS-KOMITI_Vienna4 напиша:

Tasevski Bese Denes na Gerena vo Levski Sofija Predstaven http://www.sportni.bg/?tid=40&oid=1060353

Тодор Батков: Искам Левски да е номер 1 в "Б" група
17.06.2007
Спорт НетИнфо



Тодор Батков представи днес Дарко Тасевски и Шахиб Бензукан
Снимка: БГНЕС


Приятелството между Батков и Станислав Ангелов обаче приключи
коментирай във форума: България

"Изпратихме успешен сезон. Очакваме по-успешен. Целите пред отбора са титла, купа и успехи в евротурнирите с мачове след нова година. Също така безапелационно първо място в Западната "Б" група. Усилено се работи по селекцията. Левски има три нови попълнения - Даниел Боримиров, Дарко Тасевски и Бензукан", заяви днес президентът на шампионите Тодор Батков. "С Боримиров подписахме договор за още една година. Другите двама са на младежка възраст. Те са национали на своите държави", каза още мустакатият адвокат. Той допълни, че Дарко Тасевски е излязал без пари на Левски, тъй като идва като свободен агент, но Шакиб Бензукан струвал около половин милион евро.
"Селекцията продължава. Предстои да привлечем и минимум още едно ново попълнение. Работим по няколко варианта. Единият ще пристигне утре и вдругиден ще се присъедини за няколко дни пробен период. Работим и по трансферите на няколко наши футболисти в други клубове", допълни Батков.

"Станислав Ангелов предаде Левски и няма да разчитаме на него. Ще се опитаме да го продадем", коментира лаконично президента на "сините" актуалната драма около преминаването на Пелето в Енерги Котбус.

Цялата пресконференция по представянето на новите попълнения на "сините" Бензукан и Тасевски премина в шеги и добро настроение. Собственикът на Левски Тодор Батков разкри мисията на Станимир Стоилов. Мъри е казал пред своя шеф, че ще напусне Левски, чак когато си изпълни мисията. Въпросната мисия пък била полуфинал в Шампионската лига или финал в турнира за Купата на УЕФА.

"Няма да уволнявам чичо Скрудж, както го нарича един вестник. Футболистите се радват много повече, когато видят него, отколкото мен", отговори адвокатът на въпрос дали Констатнтин Баждеков няма да бъде уволнен, след като е допуснал подписването на договор с клауза за освобождаване на твърде ниска цена. Става дума за прословутия договор на Станислав Ангелов, който и днес не се появи на "Герена".

В следобедното занимание на "сините" се включиха и новите попълнения Дарко Тасевски и Шахиб Бензукан, които обаче тренираха отделно от основната група. Треньорът Станимир Стоилов пожела да провери функционалното им състояние, а с тях няколко обиколки на помощното игрище в Подуене завъртя и Наско Сираков. Новите футболисти заминаха по-късно заедно с останалите за първия лагер на шампионите в Правец

Ристиќ - фудбалер на месецот
Напаѓачот на македонската репрезентација Стевица Ристиќ е избран за фудбалер на мај во корејскиот шампионат. Претходно, како што е познато, одличните игри на нашиот фудбалер во дресот на Чонбук Моторс му го донесоа и признанието најдобар и за април.

Со своите извонредни игри Ристиќ продолжува и во продолжението од шампионатот на Јужна Кореја овој месец. Викендов, во рамките на 13. коло Чонбук Моторс славеше со 2:1 над Јежу Јунајтед на кој натпревар и покрај тоа што поранешниот фудбалер на Силекс не се запиша во листата на стрелците, сепак, беше прогласен за играч на средбата.

Над Ристиќ на дуелот со Јежу Јунајтед беше направен пеналот по кој домаќините дојдоа во водство од 1:0, а нашиот офанзивец беше асистент и на вториот погодок за неговиот тим кој го осигура триумфот. По 13. коло во шампионатот на Кореја, Чонбук Моторс со 20 бодови на своето конто се наоѓа на петтата позиција

Локомотив во "канџите" на Кралевски

ЛУЧ ЕНЕРГИЈА Е "УБИЕЦ" НА ФАВОРИТИТЕ ВО РУСИЈА

* "Добив позитивни критики од сите за одличната игра против Сичев. По мечот бев изненаден кога нашите навивачи почнаа да скандираат Кралевски - Македонија. Тоа ми дава посебен мотив", вели Кралевски

По ЦСКА (4:0), во Владивосток падна и Локомотив (3:0). Двата тима кои се борат за титулата во Русија и напаѓачите од екстра класа кои ги бранат боите на овие екипи се најдоа во "канџите" на нашиот дефанзивец Игор Кралевски. Неговата Луч Енергија за 7 дена "уби" два клуба кои се во битката за лидерската позиција во шампионатот на оваа земја. Кралевски, кој минатата недела беше во тимот на колото, повторно со одличен настап. Повторно беше во дуел со Дмитри Сичев со кого се "делкаше" пред 2 години во квалификациските кола од Лигата на шампионите кога дефанзивецот настапуваше за Работнички К.

"Добив позитивни критики од сите за одличната игра против Сичев. Влеговме во одличен ритам и во добра серија. Бевме аутсајдери, а за две недели на убедлив начин ги декласиравме двата големи фаворити. Така сега од дното на табелата се качуваме кон врвот. По мечот бев изненаден кога нашите навивачи почнаа да скандираат Кралевски - Македонија. Тоа ми дава посебен мотив", изјавува Кралевски, кој е презадоволен од неговите игри во дресот на Луч Енергија. Неговиот тим сега се искачи на 10. место, а по 13 кола тимот од далечниот Владивосток доцни 6 бода зад лидерот ЦСКА.

Николоски го откачи Макаби зашто сакале да му прават „космонаутски тестови“

Македонскиот голман Јане Николоски го поништи договорот со израелскиот клуб Макаби Херцлија, откако управата на тимот сакала да го подлегне на медицински тестови што се карактеристични за космонаутите.
- Јас ги минав сите потребни медицински тестови пред две недели, кога бев на заверка на договорот. Ми проверија се и не најдоа ништо што би можело да го наруши договорот. Но, сега повторно ме викнаа и побараа од мене да извршам длабински тестови, со специјални сонди, за да извршат внатрешно снимање на моето тело. Јас не го дозволив тоа, зашто таквата процедура не е вообичаена. Си заминав оттаму и го поништив договорот. Ми рекоа дека нивниот претседател, кој е во САД, ќе ме контактира повторно, но не сум сигурен дека би сакал повторно таму да одам - ни рече македонската „единица“.
Николоски го потпиша договорот со Макаби Х. неколку дена пред мечот Македонија - Израел. Веднаш по мечот, тој замина во Херцлија, каде што ги мина медицинските тестови, а требаше да се јави во клубот на почетокот на подготовките, кои беа закажани за 1 јуни.
- Не се плашам дека ќе останам без клуб, зашто има многу заинтересирани, кои секојдневно се јавуваат. До крајот на оваа недела ќе се знае мојата наредна дестинација во кариерата - рече Николоски

Стојков трет меѓу "најлошите"

Мекедонскиот репрезентативен напаѓач Ацо Стојков се најде на третото место на листата на најлоши засилувања во Србија, за фудбалските гиганти Партизан и Црвена Звезда. Пред него се единствено Бугарите Асен Николов (Паризан) и Благој Георгиев (Црвена Звезда), додека како нешто помали разочарувања се Сузуки и Аилтон, кои не се прославија во црвено-белиот дрес.

Заедничкото на овие петмина, како што пишуваат тамошните медиуми, е тоа што сите биле дел од овие два клуба по една или две сезони, но, сепак, не успеале да остават впечаток кај тренерите и навивачите.

Македонскиот репрезентативец, инаку омилен напаѓач кај "Гробарите", е уште еден изум на Миодраг Јешиќ. Стојков беше доведен во Партизан како големо засилување од миланскиот гигант Интер, кој во српскиот тим имаше загарантирано "билет" само за на трибините.

Според тамошните медиуми, ќе остане во сеќавање само неговата изјава за време на потпишувањето на договорот со "црно-белите" дека уште од мал е голем фан на Партизан и дека неговиот сон на некој начин се исполнил, а на прашањето кој му е омилениот фудбалер од овој тим рекол: "Ух, па не можам да се сетам во моментов".

Ацо Стојков незадоволен од статусот во Партизан се пресели во таборот на Дебрецин од Унгарија

И МАКЕДОНСКИОТ РЕПРЕЗЕНТАТИВЕЦ МЕЃУ ПРОМАШЕНИТЕ ЗАСИЛУВАЊА НА СРПСКИТЕ ГИГАНТИ, Ц. ЗВЕЗДА И ПАРТИЗАН

До Русија ќе бидам фит !!!

*Се појави оток на повреденото место и затоа нашиот репрезентативец покасно ќе ги почне подготовките со Келн

Веќе трет месец откако Аце Митрески е надвор од теренот. Го пропушти финишот од шампионатот во Германија но и квалификацискиот натпревар со Израел. Имаше скршеница на зглобот од десната нога кој го заработи на првенствен меч против Фрајбург. Лекарскиот тим на Келн веднаш со операција ја санираше повредата но потребно е време за комплетно санирање на проблемите. Неделите поминаа но нема потреба од брзање. Митрески се појави на првиот тренинг со Келн каде имаше промоција на новиот тим, кус тренинг но веднаш проблем:

"Се појави оток на опериранопто место", коментира Митрески од Германија околу проблемите на стартот од подготовките.

"Сеуште е рани за комплетно враќање. Поради овој оток покасно ќе му се приклучам на тимот. За 3-4 дена повторно ќе бидам со нив. Заклучивме дека нема потреба од брзање. Во наредните 10 дена ќе работам под посебен режим а потоа ќе видиме дали е се во ред. Најважно е тоа што ќе бидам фит до стартот на сезоната но и до квалификацискиот меч со Русија во септември. Потребно е само трпение....", додава Митрески кој ја почнува втората сезоан како член на "јарците" од Келн кои лани приредија големо разочарување.Ѓ

"Сега немаме право на кикс. Мора да се избориме за едно од првите 3 места на табелата кое води во Бундеслигата. Ако не се случи тоа ќе ни се случи хаос во клубот. Навивачите нема да ни простат втора неуспешна сезона", коментира Аце Митрески.

Келн според германскиот медиуми е главен фаворит за првата позиција во Втората Бундеслига. На клупата е познатиот тренер Криштоф Даум, а летово екипата се засили со неколку познати имиња. Сепак и во новата сезона Аце Митрески е планиран во одбрандбената линија на Келн, позиција која не ја игра во нашиот национален тим каде често е во средниот ред

Кралевски како "камиказа"

Пожртвувана интервенција на Игор Кралевски во 38 минута од дуелот Луч Енергија - Сатурн при резултат 0:0 кога нашиот стопер спречи чист гол на гостите. Руските медиуми напоменуваат дека Кралевски како камиказа се фрлил пред нозете на гостинскиот напаѓач. Тој момент е пресуден за преостанатиот тек од мечот во кој Луч со 2:1 стигнува до значајна победа а Кралевски по пожртвуваната интервенција со повреда на зглобот. Тоа е и причината поради која нашиот дефанзивец остана во соблекувалната и не настапи во вториот дел од средбата.

"Ситна повреда на зглобот но не е ништо страшно. Најважна е победата со која им се приближивме на екипите од врвот на табелата", коментира Кралевски кој од саботата е побогат за уште еден добар меч но и за 14.000 долари колку што е премијата за 3 бода на тимот од Владивосток.

БЕЛГИСКИОТ ГЕНТ СО НОВ ТРИУМФ

Грне во Интер-тото финале

Бобан Грнчаров и неговиот Гент се пласираа во финалето од Интер-тото купот. Белгискиот тим на чија што клупа е и нашиот тренер Чеде Јаневски лесно стигнаа до третата фаза од ова натпреварување откако со убедливи 0:4 славеа и на гости кај Клифтонвил од Северна Ирска. Популарниот Грне и неговите соиграчи од одбраната немаа многу работа во премиерните 180 минути во новата сезона затоа што на двата меча не примија гол а нивниот тим со вкупен резултат од 6:0 се избори за дуел со данскиот Алборг и се надеваат дека ќе бидат една од оние 11 екипи кои ќе продолжат во Купот на УЕФА.

Во финалето од Интер-тото се најдоа уште и Дејан Милошевски и Боби Божиновски кои со екипата на Ветра (Литванија), без реванш со Легија се изборија за дуел со Блекбурн. Познатиот полски тим заработи суспензија од УЕФА поради прекинот во Ветра кој го направија навивачите на Легија.

ЛЕВИОТ БЕК ЗАМИНУВА НА ПОЗАЈМИЦА

Ѓорески си оди од Брно

Има големи шанси Сашо Ѓорески деновиве да си замине од чешкиот прволигаш Брно и да ја продолжи својата кариера во друг клуб. Имено по осум месечната пауза поради болест, левиот бек ги одработи подготовките но шефот на стручниот штаб на Брно немал намера да му даде шанса за следната полусезона. Тој му предоложил да го прати на позајмица во некој друг клуб.

"Овде во Брно инсистираат од мене да заминам на позајмица во период од шест месеци. Ми предлагаат клубови како што се Ружемберок (Словачка) и чешкиот второлигаш Прибрам. Образложението е дека без разлика што сум добро подготвен ми недостигале натпревари. Имено познато е дека јас во последните осум месеци имав здравствени проблеми. Имав необичен вирус во моето тело, но сега тоа е минато. Сега сум фит. Можам да се борам за место во првиот тим на Брно, но ете тренерот не мисли така. Со оглед на тоа дека сум под важечки договор со клубот ќе морам да ја почитувам нивната одлука. Искрено, ако веќе одам на шестмесечна позајмица подобро ќе биде тоа да биде во Македонија. Во некој од нашите најдобри клубови" ни изјави екс играчот на Охрид, Силекс и екс младински репрезентативец кој минатото лето направи трансфер во Брно. Во тој период Работнички К, односно тогашниот тим - менаџер Ѓоре Јовановски по секоја цена се обидуваше да го доведе. Сепак Ѓорески се одлучи за Чешка