od Pacovski i Mazovski Eden Ostanuva

*"Има интерес од Хрватска за Маџовски, сепак, конкретни преговори нема, исто така и Пачовски како репрезентативец е интересен, но нема шанси двајцата да ги пуштиме без разлика на понудите", дециден е потпретседателот на Работнички К, Коста Костовски

*"Нека не се грижат нашите симпатизери, повторно Работнички К ќе биде водечки тим во земјата

И ПОКРАЈ ТОА ШТО ИМА ИНТЕРЕС ЗА ГОЛМАНИТЕ, РАБОТНИЧКИ К НЕМА НАМЕРА ДА ГИ ПУШТИ ДВАЈЦАТА

Работнички К во Томе Пачовски и Филип Маџовски го има можеби најдобриот голмански тандем во нашата Прва лига. Првиот е актуелен, а вториот е екс репрезентативен голман (н.з во времето кога селектор беше Слободан Сантрач), и двајцата поседуваат квалитет па аналогоно на тоа и за двајцата во овој преоден рок има понуди своите кариери да ги продолжат надвор од нашите граници, иако и двајцата се "врзани" со Работнички К со цврсти договори.

Во последните два - три дена актуелен е интересот на хрватскиот прволигаш Славен Белупо за Филип Маџовски. Најмеродавен за тоа дали популарниот Маџо ќе замине во клубот од Копривница или, пак, во некој друг клуб е потпретседателот на "романтичарите", Коста Костовски.

"Има интерес од Хрватска за Маџовски, сега конкретно за кој клуб не би можел да ви кажам. Она што пишуваше во вашиот весник за Славен Белупо можеби е точно, но никој од тој клуб или менаџер од Хрватска не се јавил во нашиот клуб со понуда. Инаку, јасно е дека за Маџовски ќе бараме отштета, но с$ зависи од преговорите, ние сме отворени за сите да разговараме ако има понуда од странство, но јасно е дека не можеме да си дозволиме во овој преоден рок да останеме и без Маџовски и без Пачовски. Тоа ќе биде премногу. Има интерес и за Пачовски, но еден од нив останува во нашиот клуб без разлика за каква понуда се работи", посочи Костовски.

Пред две недели Работнички К од своите редови пушти десет фудбалери, единаесеттиот Горан Тодорчев се пресели во хрватскиот Осиек, па затоа се наметнува прашањето до Костовски какви се амбициите на клубот во овој преоден рок.

Се споменуваат Бобан Јанчевски, Ертан Демири и Арѓент Беќири.

"Ние, како и претходно што беше кажано, од нашиот клуб имаме намера да доведеме само квалитетни фудбалери. Имало разговори со тие играчи, има и ќе има со други. Значи во полн ек се работи на оваа проблематика во Работнички К. Шансите повторно нашиот клуб да има добар и квалитетен тим се огромни. Убеден сум дека повторно во овој преоден рок ќе купиме играчи кои се на нивото на нашиот клуб. Значи нека не се грижат нашите симпатизери и сите оние кои го почитуваат Работнички К, имаме намера повторно нашиот клуб да го направиме водечки во земјата. Нашите амбиции, како што најавив и на последниот прес, за наредната сезона се што поуспешно претставување во Купот на УЕФА како и атак на двојната круна", заврши Костовски

Можно е Неџипи да замине во Ј. Кореја

Ндерим Неџипи пред три месеци имаше одлична понуда од Украина, речиси с$ беше договорено, но нешто во последен момент се изјалови. Сега во преден план е понуда од Ј.Кореја.

"Да. Вистина има интерес за Неџипи од Далечниот Исток. Можно е и да замине, но с$ уште се чекаат завршните преговори. Значи можно е тој да замине во Ј. Кореја, но ќе мора да почекаме уште малку. Инаку, за него има перманентен интерес и од други земји", дополни Костовски.

Клупска тајна е отштетата за Пејчиќ

Секој преоден рок Иван Пејчиќ е интересен за клубови од Европа. Пред шест месеци тој се поврзуваше за трансфер во Ј. Кореја (н.з да го замени Илијоски во Инчон), исто така интересен беше и за еден белгиски прволигаш. Тогаш за Пејчиќ Работнички К бараше околу 300.000 евра отштета. Сега пак левокрилниот напаѓач на "романтичарите" се поврзува со трансфер во новиот германски прволигаш Дуисбург од истоимениот град.

"Не би сакал да коментирам за висината на отштета за Иван Пејчиќ. Тоа е клупска тајна, но ако сакате може да кажам дека и сега отштета за Пејчиќ е тука некаде, иако не е иста како пред шест месеци. И за него се водат преговори па се надеваме дека ќе успееме успешно да ги финализираме", подвлече потпретседателот на Работнички К.